ग्रामपंचायत ओरी, ता. रत्नागिरी, जि. रत्नागिरी.

ओरी हे गाव  भारतातील महाराष्ट्र राज्यातील दक्षिण कोकणातील रत्नागिरी जिल्ह्यातील रत्नागिरी तालुक्यातील अरबी समुद्र किनारी गणपतीपुळे या पर्यटन स्थळापासून  पासून सुमारे १५ किमी  अंतरावर  ओरी गाव वसलेले  आहे.  पावसाळ्यात येथे भरपूर प्रमाणात पाऊस पडतो. येथे भातशेती व नाचणी ची शेती केली जात असून ओरी गाव शेतीप्रधान आहे.येथिल रत्नागिरीचा हापूस आंबा फळपिक म्हणून प्रसिद्ध आहे. येथील लोकजीवन खूप साध्या आणि सरळ पध्दतीचे आहे.

ग्रामपंचायत ओरी ही स्थानिक स्वराज्य संस्था गावाच्या सर्वांगीण विकासासाठी कार्यरत आहे. गावातील नागरिकांना पाणीपुरवठा, स्वच्छता, रस्ते, वीज, आरोग्य, शिक्षण व इतर मूलभूत सुविधा उपलब्ध करून देणे हे ग्रामपंचायतीचे प्रमुख उद्दिष्ट आहे.

स्वच्छ, सुंदर व हरित ओरी गाव घडविण्यासाठी ग्रामपंचायतीमार्फत विविध विकासकामे व शासकीय योजना राबविण्यात येतात. प्रधानमंत्री ग्रामीण आवास योजना, रोजगार हमी योजना, स्वच्छ भारत मिशन, महिला व बालकल्याण उपक्रम, तसेच सामाजिक व आर्थिक प्रगतीसाठीचे विविध उपक्रम यशस्वीपणे गावात अंमलात आणले जातात.

गावातील लोकप्रतिनिधी व नागरिक यांच्या सक्रिय सहभागातून ग्रामपंचायत ओरी ही पंचायतराज व्यवस्थेच्या बळकटीसह सर्वसमावेशक व शाश्वत ग्रामीण विकास साधण्याचे ध्येय बाळगून काम करते.